كيف تتخلصين ممن يعاكسك او يتحرش بيج....(يلا بنات ادخلوا)

اشلونكم اليوم جبتلكم موضوع مفيد كلش مفيد
بعض الطرق اللي تتخلصين منها من الشباب المزعجين
طبعا بعضهم يحتاجون اساليب خاصه



فمثلا إذا صادفتي أحد المعاكسين وخاصة من المراهقين والذي لا يتجاوز وزنة 40 كيلو و 5 غرام وحاول ان يتحارش بيج و يعطيك رقمه.. ماذا تفعلين ؟؟

أولا ..اركعيه أرضا بضربة علابية ثم ضعي رجلك اليمنى فوق بطنه ورجلك اليسرى استخدميها سيدتي لتثبيت يديه ( بس لازم تكونين لابسه بنطرون ..؟؟؟؟؟ مو تنورة)

وقومي بفتح جنطتج وإخراج مصاصة او علج ابو الطكة وحطيها في فمه
و قولي له خذ رقمي انت وبعد عشر سنين اذا كبرت اتصل علي يا بابا ومابيها شي اذا كفختيه شكم كفخه بسيطه على شكم راشدي على جرة اذن يعني نوعيله ( لان ادري بيهم يحبون التنويع هع ) ( لا تثقلين علية اخاف يصيح وشيسد حلكه بعد)

طيب ماذا لو قابلتي مثل هذه النوعية في الحديقة العامة

أولا.. اذهبي بأتجاة سيارته الفاخرة والتي غالباً يكون متداينهة او بايكهة من ابوه

ثم اخذي معك بلوكه او طابوكه او توثيه اي شي يجي بايدج
واركعي بيها الجامه الاماميه وفصخيها تفصخ
واذا شايله بسمار او اي شي حاد اريدج تسوين
علامة ( x ) ع البنيد وتخليها ذكرى حتى مينساها
صاحبها الحلوة ( اهم شي مينساج هع هع )

ولكن ماذا إذا قابلتية في احدى الاسواق الكبيره ..

لا باس اذا اتعيقلتي شويه وتدلعتي علمود تخليه يلحك وراج السوك كله حتى تشاهدين لسانه طلع 3 امتار من التعب وخدوده حمرت ( سوده علية ) ثم اخذي منه الرقم وروحي على اقرب سيطره حرس وطني امريكان شرطه اي شي ..

واكتبي رساله تهديد كوليلهم انه اكو عبوه ناسفه بالقرب منهم واكتبيلهم رقم الولد وكوليلهم انه هذا رقم الي زرع العبوه ..

ها صدك اهم شي متنسين تكتبين بنهاية الرساله ( فاعلة خير ) هع لو هيج الي يفعل خير لو ملازم

وخلي الباقي ع الشرطه العراقيه والامريكان راح يقومون بالواجب وزياده اكيد سوده عليه راح يغيرون معالم وجهه واني واثق بعد 7 اشهر راح تجين وتلكينه مفتح بسطيه بالكاع ويصيح ( الحاجه بربع ) بنفس المكان الي اتحارش بيه بيج



وتحياتي لكل الشباب .. واهلا وسهلا بالبنات
مودتي للجميع ولا احد يزعل !!!
انتظر ردودكم