رحلة الى البصرة تعال وشوف

[size=21]شلونكم شباب شخباركم؟عايشين ميتين ماعلينا اريد احجيلكم سالفتي 0ذاك اليوم مات واحد من العشيرة (ما اعرف شسمه ولا عمرة) والفاتحة بالكوت هسة راح دكولون الفاتحة بالبصرة لاحبابين جذبت عليكم واني هذي اول جذبة بحياتي فاخذنا سيارة بيكم وماطور صغير اشتريتة 150 الف مستعمل بس نظيف والبيكم شويةتعبانة لان طكت يمهة عبوة بس الحمدلله وديناهة للكندي وكالو شوية رضوض(طبعا الكندي يعني بشيخ عمر) والله طلعنا الساعة سبع الظهر بعد منتصف اليل (معليكم بالوكت) والله ومشينا على الطريق الدربوني العام(طبعا هذا طريق مختصر يتكون من دربونة عريضة) والله وصلنا راس الشارع مشينا شوية وجان نوصل الكسرة هناك اني واخوية الجبير جنا على الماطور وسوينا جاي و سحبنا شوية بانزين من الماطور وشعلنا النار وجبنا شوية مي من دولكة اخونا حسين الميالي الي طفة بيه النار مال جيرانهم والله وفار المي وحطيت خاشوكتين جاي طبعا جان ويانة 30 زلمة بالبيكم وبدينة نوزع على الزلم اخوية يسوق الماطور واني اوزع00 وجان يصيح واحد شايب مسكرب مشط شعر راسة بعتوي اثول وكال اني ما اشرب جاي اشرب (كاباجينو) والله وكمنة عليه اني واخوية وشمرناه من السيارة ولحد هسة ولدة يدورون عليه والله شوية ونوصل للشيشان (معليكم بالمناطق) وجان يصيح واحد اريد جاي لبيتون ابو الجيس والله وهذا هم شمرناه واخيرا وصلنا للفاتحة اباوع اشو ما كو جادر طلع الميت جان نايم ومكبسل وعبالهم مات (ماخذ عشرين شريط فاليوم ابو العشرة) والله واستلمناه دك وكتل (طبعا الولد ميعرف شنو السالفة لان جان مطفي وطابك ع السرة) والله الزلم كالو راح نبقا بس اني جان عندي اجتماع هام بالليل(طبعا اني عضو في مجلس المكبسلين بالمنطقة) فرجعنا اني واخوية بالماطور والله مشينا وجان الماطور يعتعت طلع مابيه بانزين (خلصنة البانزين على الجاي) والله وانشوف ابو كيا وينطينا 5 لترات بس( الف نعلة على والديه) طلع منطينا كاز والله هو الماطور مشة وصلنا خان بني سعد وجان الراديتر يحمة طلع ما بيه مي ادور على مي ماكو والله ونشوف هايشة (بقرة) وجبنا سطل وحلبناهة وطلعنة مهة سطل مال حليب زين اريد افرغ الحليب بالراديتر شلون ما عندي صوندة هناك واشوف فيل لونة رصاصي (ما مصبوغ موديل وهسة200 ) جبنة الفيل وكطمت خرطومه وفرغت الحليب بالرادتر ومشينا ومن وصلنا لبغداد كمنا نبيع جبن وكيمر وعاشو عيشة سعيدة[/size]

حلوة

شكراً لمروركم الرائع
رحلة الى البصرة تعال وشوف 163120